Begin praat in plaas van tik op u rekenaar
VoiceTyper installeer
Met VoiceTyper word u gesproke woorde in teks omgesit terwyl u praat, in enige toepassing op u rekenaar. Laai VoiceTyper af
Sodra u VoiceTyper geïnstalleer het, wat net ’n paar sekondes neem, word u gevra om op Begin te klik. Daarna kan u ’n kort tutoriaal deurwerk. As u hulp met hierdie stappe nodig het, kontak ons gerus.
Begin dikteer
Om te begin dikteer, klik u met die muis in ’n teksveld om u tekswyser te plaas. Klik op Begin dikteer. VoiceTyper wys dan Luister… om aan te dui dat dit luister en alles wat u sê by u tekswyser tik.
Begin praat. VoiceTyper gebruik die konteks van wat u sê om so akkuraat moontlik te wees. Om leestekens uit te spreek, kyk na ons lys van opdragte.
Sodra u ’n kort pouse maak, tik VoiceTyper alles wat u gesê het.
Hou op dikteer
Wanneer u klaar gedikteer het, of wil hê dat VoiceTyper dadelik tik wat u gesê het, klik u op Luister…/Hou op dikteer.
Probeer VoiceTyper gratis
Wenk: By verstek begin en stop die tilde-sleutel [~] die diktering. Hierdie sleutel is links bo op u sleutelbord, langs die 1-sleutel. U kan hierdie sleutelbordkortpad in VoiceTyper se instellings verander.
VoiceTyper-instellings
Om VoiceTyper se instellingsvenster oop te maak, klik u op die ratwiel-ikoon regs op die blou dikteerbalk. Die ikoon lyk so:
Die instellingsvenster verskyn dan. Daar stel u VoiceTyper se mikrofoon, sleutelbordkortpaaie, taal en meer in.
As u eerder die sleutelbordkortpad wil gebruik as om op Begin dikteer/Hou op dikteer te klik, en die blou dikteerbalk wil versteek, kan u “Dikteerbalkgrootte” tot 0% verklein om dit te versteek. Om die dikteerbalk weer te wys, begin u VoiceTyper vanuit die Windows-Begin-kieslys. Dit maak VoiceTyper se instellingsvenster oop, waar u die dikteerbalk weer kan wys.
U kan ons webwerf besoek deur in die instellingsvenster op Hulp te klik.
As u die blou dikteerbalk nie meer kan kry nie, begin VoiceTyper vanaf die kortpad op u werkskerm.
Die dikteerbalk skuif
Om die dikteerbalk te skuif, plaas u eers die muiswyser oor die grys gedeelte aan die regterkant van die dikteerbalk. Die muiswyser verander dan in ’n plusteken.
Hou die linkermuisknoppie in om die dikteerbalk rond te sleep.